Ein Männlein steht im Walde - ganz still und stumm
es hat ein Riesenbäuchlein und stellt sich dumm 
sag, wer mag das Männlein sein, das da steht im Wald allein? 
S `ist Helmut mit dem Spenden - Säckelein !

De Blocher hed em grate –es paar Servelaa  z verbrate
und mit Fendant  de Büetzer d` Lampe fülle z loh...
aber d`Rächnig für Wii und Würstli – hed der Ebner, das fiese Pürschtli
vo de Walliser Regierig welle zahle loh....

Plötzlich haut er uf der Putz : „ ich will endlich mehr Stutz !
ich bin doch bestes Trainer von Welt-Fifa“!
Jä de Gilbert hed en Stress- händ doch Verbarme mit em Gress
dass däh sich ändlich en Gwafför leischte cha!

Do seit ei Chue zur Andere: – Ich glaub mer müend uuswandere
in Kärnten chömmer nümme länger sii
chasch umeluge wo d`wotsch – Brun treit hütt fang jede Totsch
und de Haider-Wahnsinn mües no schlimmer sii...

Ich gang i d`Waldau goge choche-meint de Choch vom Sterne troche
det hani vom Sozi-Gchpürschmigrüppli mini Rueh
sit de zwölfe settets cho frässe – doch die spieled no wie bsässe
scho de ganzi Morge nume „blindi Chue“

D`Maite-National – rüeft: „huresiech-nomal-
jetzt dänked  mit em Füdli wienen Maa !!
Bim stämme unterwegs – schiifahre isch wie Sex:
mer mues nid guet sii, -aber Freud ha draa...!