Schnitzelbänk 2001
Vo de Schwarze

Dr Tschäppät seit, ig ha wölle handle
U ds Fröschli i ne Prinz verwandle.
Doch chasch es küsse, wo de wosch,
Üses Fröschli bliibt e Frosch.

U das Fröschli brucht meh Stutz,
Nid emal us Eigenutz,
Denn es Stürprozent, es isch ke Scherz,
Verfahrt der Stapi mit em Merz.

Die Tatsach tuet üs beidi plage,
Drum möchte mir Euch hie itz frage:
Warum hei mir statt ä Stapi
Nur ä dicke, blonde Lappi?

Ds Russland hei si wäg de Chole
Am Boris Becker der Same gstohle.
Mir chame mi Same nid wäg näh,
Ig tue ne geng freiwillig gäh.

Dr Durer Bärti tuet ganz sturm,
Dr Steinegger het ä Eurowurm,
Dr Murer rächts ä fuule Zahn
Und dr Blocher Rinderwahn.

I mim WC, s' isch raffiniert,
Han ig drei Kameras installiert.
Denn immer, wenn ig mis Gschäft verrichte.
Tuet TV 3 live drüber prichte.

Am Parteitag vor SP,
S' tuet mir hüt im Härz no weh,
Han ig mi Fründ im Ferrari gseh.
Dä schafft drum itz bir SBB.

Dr Neukomm wöll schiins Bärn verlah,
Um als Verkehrsdiräkter nach Moskau z'gah.
Und als Atrittsgschänk, das isch dr Hit,
Nimmt är die rote Trämli mit.

Bush-Gore? Bush-Gore? Bush-Gore? Bush!
Die Wahle si ä rise Pfusch.
Dr eint isch doof, dr ander o.
Warum hei die nid dr Ogi gnoh.

Dr Bärner Bär hetts z' Bärn schwär,
Ds' Bärner Wappe isch scho läär.
Mir hätte viel meh Freud dran gha,
Dr Bär wär blibe u dr Fuchs würd gah.

D' Expo 02 chönnt räntiere,
Me muess se eifach reduziere.
S' längti doch für üses Land
Am Murtesee ä Bratwurschtstand.

Ds Oeschtrich gä si de Viicher Sprütze,
s' tägi schiins für alles nütze.
Uf de Schi funktioniert das ou,
Drum fahrt dr Meier wie ne Sou.

Mir si mit üsne Värs am Änd
Und bitte um ne mildi Spänd.
Dank däm Gäld chönnts villecht gah,
Dass der Stapi si Mietzins zahle cha.

Last minute Värs: